Выписка из журналов заседания Священного Синода от 28 декабря 2018 года под председательством Святейшего Патриарха Московского и всея Руси Кирилла |
---|
СЛУШАЛИ: Рапорт Преосвященного епископа Троицкого Панкратия, председателя Синодальной комиссии по канонизации святых, относительно поступившего ходатайства митрополита Вятского и Слободского Марка о включении имени священника Николая Заварина в Собор новомучеников и исповедников Церкви Русской. ПОСТАНОВИЛИ: Передать вопрос о включении имени священника Николая Заварина в Собор новомучеников и исповедников Церкви Русской на рассмотрение Архиерейского Собора. СЛУШАЛИ: Рапорт Преосвященного митрополита Петрозаводского и Карельского Константина, председателя Синодальной богослужебной комиссии, о представлении на утверждение Священного Синода ряда богослужебных текстов. ПОСТАНОВИЛИ:
|
Месяца октября в 9-й день
Святителя Ионы, епископа Ханькоускаго Тропарь, глас 4:
Пастырь добрый был еси русским людем,/ пристанище обретшим во стране чуждей,/ всяко наставляя их,/ наипаче же любви Христовой,/ образ ея во всем показуя,/ темже, святителю отче Ионо,/ моли Христа Бога спастися душам нашим.
Кондак, глас 3:
Детем не возбранил еси приходити к тебе, богоблаженне,/ пекийся о насущных их,/ и храмину им создал еси,/ по кончине же твоей сих не оставил еси,/ отрока бо разслабленна в сонном видении исцелив./ Сего ради вопием ти:/ радуйся, чудодейственниче Ионо преславный.
|
Месяца апреля в 4-й день
Преподобномучеников Вениамина архимандрита и Никифора иеромонаха Соловецких Тропарь, глас 5:
Преподбнии новомченицы Вениамине и Никифоре,/ добрым подвигом во обители Соловецтей просиявше,/ наставницы братии в заветех иноческих явилися есте/ и, от безбожник беды и изгнание претерпевше,/ в пламени огня души своя Владыце Христу предали есте,/ Емуже ныне предстояще,/ молите спастися душам нашим.
Кондак, глас 7. Подобен: Разрушил еси:
Божественными страдании,/ яже за Христа претерпевше,/ отцы всеблаженнии,/ яко злато в горниле души своя во огни очистили есте/ и во обители Горния ко Владыце своему ныне преселилися есте./ Сего ради прилежно чтим и ублажаем вас,/ преподобномученицы Вениамине и Никифоре.
|
Месяца марта в 9-й день
Священномученика Сергия (Лебедева) Тропарь, глас 4:
Во пресвитерстве Христу непорочно послужив,/ в терпении душу твою стяжал еси, блаженне,/ верою твердою древним мучеником уподобився,/ яко жертва благоприятна, Богови принеслся еси./ Ныне же, на Небесех со ангелы ликовствуя,/ священномучениче Сергие,/ моли Христа Бога спастися душам нашим.
Кондак, глас 2:
Во обители преподобнаго Сергия благодатию укрепився,/ душу твою во искушение уготовал еси,/ священномучениче преславне,/ темже, темничная заключения и изгнания за Христа претерпев,/ многими добродетельми верныя облагоухал еси/ и, крест на рамо взем,/ в чертог Небесный вшел еси./ Сего ради явился еси земли Московския украшение,/ Новодевичия обители Пречистыя Одигитрии верный заступник/ и теплый о нас к Богу молитвенник.
|