Выписка из журналов заседания Священного Синода от 30 мая 2019 года под председательством Святейшего Патриарха Московского и всея Руси Кирилла
СЛУШАЛИ:

Рапорт Преосвященного митрополита Петрозаводского и Карельского Константина, председателя Синодальной богослужебной комиссии, о подготовке Синодальной богослужебной комиссией ряда тропарей, кондаков и молитв святым.

ПОСТАНОВИЛИ:

Утвердить:

Месяца ноемврия в 9-й день
Священномученика Димитрия Русинова, Озерскаго

Тропарь, глас 5
<предложение митрополита Илариона: лучше на глас 4>:
Священномученик Твой, Господи, Димитрий,/ воин добропобедный показася,/ той бо, любовию к Тебе распалаемь,/ гонение и смерть мужественне претерпе./ Егоже молитвами спаси души наша.

Кондак, глас 2:
Добре во благочестии пожив/ и страдания за Христа доблественно претерпев,/ Чертога Небеснаго достигл еси,/ священномучениче Димитрие./ Темже моли Человеколюбца Бога/ грехов оставление нам даровати,/ чтущим любовию святую память твою.

Месяца марта в 18-й день
Собор преподобномучениц Сходненских Наталии, Екатерины и Елены

Тропарь, глас 4:
Приспе день светлаго торжества,/ земля Московская радуется,/ наипаче же людие Сходненстии духовно торжествуют,/ прославляюще вас, преподобномученицы Наталие, Екатерино и Елено./ Вы бо, души своя за веру Христову положивше,/ венцы мученическими украсилися есте,/ сего ради, Престолу Святыя Троицы ныне предстояще,/ душам нашим мир испросите/ и велию милость.

Кондак, глас 3:
Восхвалим днесь троицу преподобномучениц Сходненских,/ во храме Святыя Троицы усердно подвизавшихся,/ в годину же лютых искушений/ веру Православную пред мучители исповедавших/ и кровь свою за Христа пролиявших./ Сего ради страстотерпицам Христовым воспоим:/ радуйтеся, Наталие, Екатерино и Елено,/ веси Сходни заступницы богодарованныя/ и молитвенницы о душах наших.

Месяца сентября в 19-й день
Преподобномученицы Марии (Мамонтовой-Шашиной)

Тропарь, глас 5:
Христа Господа Иисуса верная ученице,/ Пресвятыя Богородицы смиренная послушнице,/ преподобная страстотерпице Марие,/ легкое иго Христово вземшая и язвы Господни любовию носящи,/ лествицею мучений к Нему, яко Небесному Жениху, востекла еси,/ Егоже моли сохранитися нам во благочестии/ и спастися душам нашим.

Кондак, глас 4:
Яко крин багряновидный,/ посреде терний безбожия/ в земнем Отечестве твоем процвела еси,/ преподобномученице Марие честная,/ подвиги же воздержания страданием украсивши,/ яко голубица чистая в чертог Небеснаго Жениха возлетела еси,/ Иже увенча тя красотою славы нетленныя.